د پاکستان د سوپر لیګ نهم پړاو سیالیو کې ملتان سلطانز، کویټه ګلیډیټرز ته ماتې ورکړه

د پاکستان سوپر لیګ په نهم پړاو سیالیو کې ملتان سلطانز کویټه ګلیډیټرز ته د ۱۳ منډو په توپیر سره ماتې ورکړه. د پاکستاني رسنیو د راپور له مخې، دغه سیالۍ چې نن په ملتان کې وشوې د لوبې پچه کوټه ګلېډیټرز وګټله او لومړی یې د توپ وهنې پرېکړه وکړه.

ملتان سلطانز چې لومړی توپ وهنه وکړه په ټاکلو ۲۰ اورونو کې یې د څلورو لوبغاړو په سوځېدو سره ۱۸۰ منډې جوړې کړې.
د راپورونو پر بنسټ، رضا هینډریکز ۷۲ او کپټان محمد رضوان ۵۱ منډې جوړې کړې.
د کوټې ګلېډیټرز لوبډلې د ۱۸۱ منډو د هدف په تعقیب سره په ۲۰ اورونو کې د ۹ لوبغاړو په سوځېدو سره ۱۶۷ منډې جوړې کړې.
خواجه نافع په ۳۶ منډو او کپټان ریلي روسو په ۳۰ منډو د توپ وهنې عمده لوبغاړي پاتې شول.
ملتان سلطانز په ټورنامنټ کې تر اوسه ۵ لوبې کړي چې ۴ یې ګټلې دي او کویټه ګلیډیټرز بیا درې لوبې ګټلې او یوه یې بایللې ده.
په جدول کې ملتان سلطانز لومړی او کویټه ګلیډیټرز په دویم ځای کې دي.