په کابل کې د فوټسال لیګ غوراوي سيالۍ د افغان یارانو لوبډلې په اتلولۍ پای ته ورسېدې

په کابل کې د طالبانو د بدني روزني او ورزش ادارې خبر ورکړی، چې د ۴ زونونو د ۱۸ لوبډلو ترمنځ د فوټسال "الف" ليگ سيالۍ د افغان يارانو لوبډلې په اتلولۍ پای ته رسیدلي دي. د سياليو اداره کوونکي وايي، چې له دغو سیالو یې موخه د فوټسال ۴ غوره لوبډلې ټاکل و.

د طالبانو د بدني روزني او ورزش ادارې د یکشنبې په ورځ په يوې خبرپانه کې ویلي، چې په کابل کې د «شمال، ختيځ، لوېديځ او سويل» زونونو د ۱۸ لوبډلو ترمنځ د فوټسال "الف" ليگ سيالۍ د افغان يارانو لوبډلې په اتلولۍ پای ته رسیدلي دي.

د طالب ورزشي چارواو د معلوماتو له مخي، دغه سياليو يوه میاشت دوام کړی او پایلوبه د افغان یارانو او شقایق فوټسال لوبډلو ترمنځ ترسره شوې ده.

افغان یارانو لوبډلې درې د دوه په مقابل کې د سياليو اتلولي په خپل نوم کړې ده.

په اعلامیه کې راغلي، چې د لیګ د غوارې له دغو سياليو وروسته به د فوټسال ۴ منتخبي لوبډلې رامنځ ته کړي.

د سياليو په پای کې غوره لوبغاړو ته د طالبانو له لوري ډالۍ هم ورکړل شوي دي.