پولیس سرچینې: د خیبر پښتونخوا په ورکزۍ ولسوالۍ کې یو قومي مشر په وسلهوال برید کې وژل شوی
د خیبر پښتونخوا د ورکزۍ ولسوالۍ د پولیسو مشر رحیم خان ویلي، چې پېښه نن سهار شوې او دوه تنو موټر سایکل سپرو وسلهوالو د لوی ورکزو په فېروز خېلو بازار په چوک کې ملک شاه محمد په ډزو وواژه.
پولیس وايي، بریدګر په تېښته بریالي شوي او دوی یې په اړه پلټنه پیل کړې ده.
ویل کېږي، چې ملک شاه محمد په سیمه کې د نامې جامې خاوند کس و او د ډېرو قومي شخړو په هوارولو کې یې هڅې کولې.
دا رنګه په ۲۰۱۳ کال کې د ملک شاه محمد بل ورور ملک ادم خان هم د وسلهوالو په یو بمي برید کې وژل شوی و.
له تېرو څو میاشتو راهیسې د خیبر پښتونخوا په ځینو سیمو کې د تاوتریخوالي د پېښو د ډېریدو تر څنګ هدفي وژنې زیاتې شوې، چې تر ډېره قومي مشران په کې په نښه کېږي.
