په کابل کې د والیبال غوره لیګ درېیم پړاو سیالۍ پیل شوې
پرون پنجشنبه د سلواغې ۲۶مه د طالبانو تر کنټرول لاندې د بدني روزنې او ورزش عمومي ریاست اړوند د والیبال ملي فدراسیون لهخوا د اتو لوبډلو په ګډون د والیبال غوره ليګ درېیم پړاو سیالۍ پیل شوې.
په دغه غوره لیګ کې دوه ګروپونه دي، چې په هر ګروپ کې څلور لوبډلې د یو بل پر وړاندې لوبېږي.
په دغو سیالیو کې د ام البلاد، سپین غر، نښتر، پامیر، بالاحصار، بُست، هندوکش او نګیني هریوا لوبډلې ګډون لري.
د دغو سیالیو لومړۍ لوبه پرون د نګیني هریوا او د بست لوبډلو ترمنځ ترسره شوه، چې په پایله کې بست لوبډلې خپلې سیالې نګیني هریوا لوبډلې ته د ۳/۰ په توپیر ماتې ورکړه او لومړۍ بریا یې خپله کړه.
په ټوله کې دغه سیالۍ به اته ورځې دوام وکړي.
