د هند د زلزلې مرکز د افغانستان په ځینو برخو کې د ریښتر په کچه د ۵،۳ درجې زلزلې خبر ورکړی
یوې نسبتا زورورې زلزلې د افغانستان او پاکستان ځینې سیمې لړزولي دي. د هند د زلزلې ملي مرکز د دغې زلزلې شدت د ریښتر په کچه ۵.۳ درجې ښودلی دی.
په ورته وخت کې پاکستاني رسنیو ویلي، چې زلزلې د دغه هېواد ځینې برخې لړزولي دي.
تر اوسه د دغې زلزلې د زیانونو او تلفاتو په اړه څه نه دي ویل شوي.
د امریکا د زلزلې مرکز، د دې زلزلې مرکز د تخار ولایت فرخار ولسوالۍ ښودلې ده.
