په پاکستان کې د ټاکنو په ورځ د امنیتي پېښو په دوام له سهاره ۱۲ پوځیانو ته مرګ ژوبله اوښتې
پاکستانۍ رسنۍ وايي، نن سهار مهال د پاکستان د خیبر پښتونخوا ایالت په ډېره اسماعیل خان ولسوالۍ کې نا پېژانده وسلهوالو د پولیسو پر موټر د بارودي موادو په وسیله برید کړی او وروسته یې پرې ډزې هم کړې دي، چې له امله یې ۷ تنو پولیسو ته مرګ ژوبله اوښتې ده.
پاکستانۍ رسنۍ وايي، نن سهار مهال د پاکستان د خیبر پښتونخوا ایالت په ډېره اسماعیل خان ولسوالۍ کې نا پېژانده وسلهوالو د پولیسو پر موټر د بارودي موادو په وسیله برید کړی او وروسته پر پولیسو یې ډزې هم کړې دي.
د خیبر پښتونخوا څخه ځايي خبریالانو د سیمهییزو پولیسو له قوله ویلي چې، په یاد برید کې ۵ پولیس وژل شوي او دوه نور ژوبل شوي دي.
بل خوا د بلوچستان ایالت په خاران سیمه کې د پولیسو پر موټر د یوې چاودنې له امله لږ تر لږه د دوه پولیسو د وژل کېدو او پنځه تنو د ټپي کېدو خبر ورکول شوی.
د دې تر څنګ پاکستاني رسنیو د خاران د ځايي اوسېدونکو له قوله ویلي، چې د بلوچستان په خاران کې د رای اچونې پر یو مرکز برید شوی؛ خو د مرګ ژوبلې په اړه یې کره معلومات نه دي ورکړل شوي.
بلخوا د بلوچستان ایالت د اطلاعاتو وزیر جان اڅکزي پر خپلې اېکس پاڼه لیکلي چې، د وسلهوالو مخالفینو لهخوا د ټاکنیز بهیر د ګډوډولو مخه یې نیولې.
د بلوچستان د اطلاعاتو وزیر وايي، وروسته له هغه چې د دغه ایالت پر بلوڅ مېشتو سیمو "ترهګر" له ناکامۍ سره مخ شوي، دوی هڅه وکړه چې د بلوچستان پښتنې سیمې په نښه کړي او ټاکنې ګډوډې کړي؛ خو ناکام شول.
نوموړي د بلوڅ لیبریشن ارمي، بلوڅ لیبریشن فرنټ، پاکستان تحریک طالبان او داعش ته په اشارې سره ویلي، چې دا ډلې "د بلوچستان د خلکو استازي" نه دي.
ښاغلي اڅکزي دغه ډلې هند "پلوې " وبللې، چې د ده په وینا غواړي بلوچستان بې ثباته کړي.
