شهباز شریف: ټاکنو کې په ګډون سره خلک د خپل هېواد د راتلونکي په هکله فیصله کوي
د پاکستان پخوانی لومړی وزیر او د مسلم لیګ نواز ډلې یو مشر وايي، راتلونکو ټولټاکنو کې په ګډون سره به خلک د خپلې هېواد د راتلونکي پرېکړه وکړي. شهباز شریف نن لاهور کې خبری غونډې ته دا هم وویل، چې د ده په مشرۍ د ۱۳ ګوندونو په ایتلافي حکومت کې د فساد کچه له ۱۴۰ تر ۱۳۳ ته ټیټه شوه.
ښاغلي شریف دا هم وویل، چې د ده لومړي وزارت کې پاکستان له سختو سیلابونو سره مخ شو، خو ده یې ښه مدیریت وکړ.
د پاکستان ټاکنې راتلونکې پنجشنبه یا د فبرورۍ پر اتمه کېږي.
د دې ټاکنو مخکښ ګوندونه د نواز شریف او شهباز شریف په مشرۍ مسلم لیګ نواز او د بلاول بوټو په مشرۍ پیلپز ګوند بلل کېږي.
