هېدربار: افغان ښځې او نجونې د هغې ورځې وړې دي، چې په محکمه کې د طالبانو پر وړاندې حاضرې شي
د بشري حقونو د څار سازمان د ښځو څانکې مرستیاله هېدربار وایي، افغان ښځې او نجونې د هغه څه مستحقې دي چې د طالبانو پر وړاندې په محکمه کې حاضرې شي او د جرمونو له نړۍوالې محکمې څخه خپل تروړل شوي حقونه وغواړي.
د بشري حقونو څار سازمان په خپله پاڼه د هېدربار د څرګندونو په خپرولو سره د هغې له قوله لیکلي، چې د نړۍوالو پام په دې وروستیو اونیو کې په هاګ کې د جرمونو نړۍوالې محکمې ته اوښتی؛ هماغسې چې سویلي افریقا اسراییل په غزه کې د ۱۹۴۸ نسل وژنې له کنوانسیونه په سرغړونې تورن کړ.
هغه وایي، د بشري حقونو دغې قضیې ته یوه ډله په کور دننه او بهر افغان مېرمنې په ډېرې لېوالتیا سره ګوري.
هغې زیاته کړې:« طالبانو د ۲۰۲۱ کال په اګست میاشت کې له بیا واکمنېدو وروسته د ښځو او نجونو پر وړاندې وحشیانه بندیزونه وضع کړي، چې د دوی ټول حقه حقونه یې هغه که د زدهکړو، کار کولو، روغتیايي خدمتونو ته د لاسرسي او په عامه ځای کې د ګډون په برخو کې دي ترې تروړل شوي دي.»
هغه وایي:« دغه سرغړونې لاهم دوام لري او د ښځو په وړاندې د هر ډول تبعیض د له منځه وړلو د کنوانسیون څخه ښکاره سرغړونه ده، کوم چې افغانستان په ۲۰۰۳ کال کې تصویب کړی.»
اغلې هېدربار زیاته کړې، چې د نړۍ ډېرو حکومتونو د ښځو او نجونو پر حقونو د طالبانو پراخ برید غندلی دی. په داسې حال کې چې د جرمونو نړۍواله محکمه د طالبانو د ظلمونو جرمونه څېړي.
هغه وایي:«د جرمونو نړۍواله محکمه حکومتونو ته وړاندیز کوي، چې د افغان مېرمنو سره خپل پیوستون څرګند کړي؛ ترڅو د طالبانو سرغړونې تر قضایي څارنې لاندې راولي.»
