چین فیلیپین ته اجازه ورکوي چې خپل ځواکونه ته د منازعې وړ بېړۍ کې اکمالات وکړي
د چین ساحلي ګارد وايي، چې دوی "موقتي ځانګړي ترتیبات" نیولي ترڅو فیلیپین ته اجازه ورکړي، چې د دویمې نړۍوالې جګړې د دورې د منازعې وړ یوې بېړۍ کې سرتېرو ته اکمالات وکړي.
د چین ساحلي ګارد تر دې وړاندې د فیلیپین له خوا دغه بېړۍ ته د اکمالاتو د مخنیوي په موخه خپلې بېړۍ په سیمه کې ځای پر ځای کړې وې.
د دویمې نړۍوالې جګړې پاتې دغه بېړۍ د فیلیپین ټاپو څخه ۱۹۰ کیلومتره لرې په توماس شاول سیمه کې موقعیت لري او اوس ترې د یوې پوستې کار اخیستل کیږي.
د شنبې په ورځ ناوخته د چین ساحلي ګارد په یوې اعلامیه کې ویلي، چې دغه بېړۍ ته یې د اړتیا وړ اکمالاتو اجازه ورکړې؛ خو ټینګار یې کړی چې په توماس شاول سیمه کې به د چین له حاکمیت او سمندري حقونو څخه دفاع کوي.
چین چې د سویلي چین سمندر په شاوخوا کې د پراخو سیمو د حاکمیت ادعا کوي، هغه سیمې خپلې بولي چې د ویتنام، فیلیپین، مالیزیا، برونای او اندونیزیا ځانګړي اقتصادي زونونه تر پوښښ لاندې راولي.
چين په پرلپسې ډول له فیلیپین غوښتي، چې دغه بېړۍ د هغې ژمنې پر اساس لري چې مانیلا وړاندې کړې ده؛ خو د فیلیپین ولسمشر فرډینند مارکوس جونیر دغه غوښتنه رد کړې ده.
