د ۱۹کلنو کرېکټ نړۍوال جام سیالۍ؛ افغانستان نن د نیوزیلنډ پر وړاندې لوبېږي
د نولس کلنو کرېکټ نړۍوال جام سیالیو پر دوام نن افغانستان خپله دویمه لوبه د نیوزیلنډ پر وړاندې کوي. دغه لوبه د کابل په وخت نن ماسپښین ۱۲:۳۰ بجې د سویلي افریقا په کوربهتوب په (بوفالو پارک) لوبغالي کې پیلېږي.
په دغو سیالیو کې افغانستان خپله لومړۍ لوبه د پاکستان پر وړاندې د ۱۸۱ منډو په توپیر وبایلله.
د افغانستان ترڅنګ نن د سویلي افریقا لوبډله هم د انګلنډ پر وړاندې د لوبې ډګر ته ښکته کېږي.
د دغو سیالیو په لړ کې تېره ورځ بنګله دېش په شپږو وېکټو له اېرلنډه او اسټرالیا په څلورو وېکټو له نمېبیا څخه لوبه ګټلې وه.
