په پاکستان کې په درېیو جلا پېښو کې څلور کسان وژل شوي او څلور امنیتي سرتېري ټپیان دي
د شمالي وزیرستان د میرعلي په هرمز سیمه کې نن سهار له یوه ښوونځي سره نږدې د ۴ تنو جسدونه چې په ګڼو ګولیو لګېدلي وو، موندل شوي دي. د پولیسو یوه چارواکي رسنیو ته ویلي:« د دوی د هویت په اړه هیڅ مالومات نه شته.» د دغې پېښې پړه لاتر اوسه چا نه ده منلې.
تر دې څو ورځې وړاندې هم په دې سېمه کې وسلهوالو د پنجاب ايالت پنځه نايان په ډزو وژلي وو.
په ډېره اسماعيل خان کې په یوې بلې جلا پېښه کې په درازنده سيمه کې د امنيتي ځواکونو يو موټر په نښه شوى دى.
په دغې پېښه کې ۲ عسکر سخت ژوبل شوي دي.
په یوې بلې پېښه کې بیا د خيبر پښتونخوا پولیس چارواکي وایي، چې د باړې په کوهي سيمه کې د پوليسو پر پوسته د وسلهوالو په بريد کې دوه پوليس ټپيان شوي دي.
