په تهران کې د پاکستان شارژدافیر د ایران د بهرنیو چارو وزارت لهخوا احضار شو
د ایران دولتي خبري اژانس تسنیم خبر ورکړی، چې نن سهار د سیستان او بلوچستان ایالت پر یوه سرحدي کلي له برید وروسته په تهران کې د پاکستان شارژدافیر د بهرنیو چارو وزارت ته ورغوښتل شو؛ چې د پېښې په اړه وضاحت ورکړي.
خو په دې اړه لا نور جزییات نه دي ورکړل شوي.
تر دې وړاندې د پاکستان د بهرنیو چارو وزارت په خپرې شوې خبرپاڼه کې ویلي و، چې نن سهار یې د ایران په سیستان او بلوچستان ایالت کې د «ترهګرو» پر پټنځایونو بریدونه کړي دي.
ورته مهال د سیستان او بلوچستان سیاسي او امنیتي مرستیال تسنیم خبري اژانس ته ویلي و، چې د پاکستان په توغندیزو بریدونو کې درې ښځې او څلور ماشومان وژل شوي دي.
نوموړی وايي، د ایران او پاکستان سره پر پوله د پاکستان په برید کې دغه ټپيان او وژل شوي کسان ایراني وګړي نه دي.
