پاکستان او متحده عربي اماراتو د درې میلیارد ډالرو په ارزښت د پانګونې تړون لاسلیک کړ

پاکستان او متحده عربي اماراتو د پټلۍ، اقتصادي زونونو او بنسټیزو پروژو د پراختیا په برخه کې تړون لاسلیک کړ، چې له درې میلیاردو ډالرو ډېر ارزښت لري.

د پاکستان د پټلۍ وزیر او د متحده عربي اماراتو د بندرونو، ګمرکونو او د همکارۍ ازاد زون مشر سلطان احمد بن سلیام دا تړون لاسلیک کړ.

د پاکستان پټلۍ وزارت پر خپلې اېکس پاڼې لیکلي، چې دواړو لورو د سویزرلنډ د داووس غونډې په ترڅ کې د دې تړون د لاسلیکولو پر مهال په ځمکنیو پروژو کې د اقتصادي همکارۍ د لا زیاتولو پرېکړه هم کړې ده.

په اعلامیه کې د احمد بن سلیام له قوله پاکستان منځنۍ اسیا ته د سوداګرۍ مهم دهلېز بلل شوی دی.