د پاکستان له ۹ ولسوالیو په ۹ بېلګو کې د پولیو ویروس تایید شوی دی
د پاکستان د روغتیا وزارت وياند تردې وړاندې ویلي و، چې په کوټه، مستونګ، ملتان، پېښور، نوښار او حب کې د پوليو ويروس يوه، يوه بېلګه لیدل شوې ده. سربېره پر دې؛ د کراچۍ د ملیر، سویل او د ډېره اسماعیل خان په راټولو شویو بېلګو کې د پولیو د ویروس تصدیق شوی دی.
د روغتیا وزارت د ویاند په وینا، په ټولو بېلګو کې موندل شوی ویروس د پولې له ها خوا څخه لېږدول شوی او د دغه ویروس د انتقال د مخنیوي یوازینۍ لار د پولیو واکسین دی.
د دغه وزارت ویاند وايي، مېندې او پلرونه دې باید خپلو ټولو ماشومانو ته چې عمرونه یې له پنځو کلونو کم وي، د پولیو ضد واکسین ورکړي.
