نوي زیلنډ په کرېکټ شل اوره سیالیو کې پاکستان ته پرلپسې درېیمه ماته ور کړه

د نوي زیلنډ کرېکټ ملي لوبډلې د چارشنبې په ورځ د پاکستان لوبډلې ته په دریمه پرلپسې لوبه کې هم د ۴۵ منډو په توپیر ماتې ور کړه. نوي زیلنډ د ۷ لوبغاړو سوځېدو سره ۲۲۴ منډې جوړې کړې، خو پاکستان په ټاکلو شلو اورونو کې د ۷ لوبغاړو بایللو سره یوازې ۱۷۹ منډې وکړې.

د پاکستان او نوي زیلنډ نننۍ سیالي د نوي زیلنډ د دوندن په اوول پوهنتون کې وشوه.

پاکستان د پچې ګټلو سره ډګر ساتل غوره کړل، خو بیا یې هم د مقابل لوري هدف پوره نه کړ.

نوي زیلنډ دویمه سیالي د ۲۱ منډو او لومړۍ د ۴۶ منډو په توپیر له پاکستان ګټلې وه.

نوی زیلنډ او پاکستان په اوسنۍ لوبلړۍ کې پنځه لوبې لري او د لومړنیو دریو سیالیو په ګټلو سره نوي زیلنډ دا لوبلړۍ په خپل نوم کړه.