د پیسو نړیوال صندوق پاکستان ته د ۷۰۰ میلیونه ډالرو پور تصویب کړ
د پاکستان مالیې وزارت وايي، د پیسو نړیوال وجهي صندوق دغه هیواد ته د ۷۰۰ میلیونه ډالرو پور منظور کړ چې د درې میلیارده ډالرو په ارزښت د مالي ملاتړ د پروګرام برخه ده. دغه وزارت خپل اېکس کې پرون لیکلي، دغه صندوق د پاکستان د اقتصادي اصلاحاتو د پروګرام لومړنۍ بیا کتنه هم پوره کړې ده.
د پیسو د نړیوال وجهي صندوق بورډ هم ویلي چې د دغه مالي پروګرام بیا کتنې بشپړولو سره یې د پاکستان د پور کچه ۱،۹ میلیارډ ډالرو ته راکته کړې ده.
دا صندوق دا هم وايي چې په دغې مرستې سره اوس د پاکستان په اقتصاد کې د تحرکاتو د پیلیدو او د بهرني فشارونو د کمیدو لنډمهاله نښې لیدل کیږي.
په دغه اعلامیه کې راغلي: "د دغه مالي پروګرام دوامداره قوي مالکیت لاهم ډېر مهم دی ترڅو چې دا یقیني کړي چې اوسنی اقتصادي تحرکات دوام پیدا کړي او د پاکستان د اقتصاد ثبات ټینګیدو سبب شي."
دغه د سویلي آسیا هیواد چې اوس د سرپرست حکومت له خوا اداره کیږي په جولای میاشت کې د پیسو د نړیوال وجهي صندول د پور د یو پروګرام له تصویب سره د دیوالي کیدو له خطره بچ شو.
د دغه مالي ملاتړ له پروګرام له پیل مخې، پاکستان د پیسو د نړیوال وجهي صندول له خوا ټاکل شوې ځینې کړنې ترسره کړې چې په هغې د بودجې بیا کتنه، د سود نرخ زیاتول، او د بریښنا او ګازو د بیو لوړول راځي.
