افغان ویلچر باسکېټبال لوبډلې نوي زیلنډ ته ماتې ور کړه

د افغانستان ویلچر باسکېټبال ملي لوبډلې نن د ویلچر باسکېټبال اسیايي او اوقیانوسي سیالیو په لومړمۍ لوبه کې نوي زیلنډ ته د ۷۷- ۳۷ نمرو په لوی توپیر ماته ورکړه. د ویلچر باسکېټبال اسیايي او اوقیانوسي سیالۍ نن د ټایلنډ په کوربتوب په بنکاک ښار کې پیل شوې او۱۳ ورځې به دوام وکړي.

په دې سیالیو کې افغانستان په (ب) ګروپ کې دی او له نوي زیلنډ، سعودي عربستان، فلیپین او متحده عربي اماراتو سره لوبیږي.

د دغو سیالیو د مهالوېش پر بنسټ افغانستان به خپله دویمه لوبه د راتلونکې یکشنبې په ورځ له سعودي عربستان سره ترسره کړي.