افغان لوبډلې په لومړۍ شل اوریزه لوبه کې له هنده ماته وخوړه
د هند ملي لوبډلې د افغاانستان پر وړاندې د درېیو شل اوریزو سیالیو د لوبلرۍ لومړۍ لوبه د شپږو ویکتو په توپیر وګټله.
د لوبې پچه هند وګټله او د توپ اچونې پرېکړه وکړه.
افغان لوبډلې د ۵ وېکټو په سوځېدو سره د ۱۵۸ منډو هدف وټاکه.
د هند ملي لوبډلې د ۴ لوبغاړو په سوځېدو سره په ۱۷،۳ اورونو کې د ۱۵۸ هدف پوره او لوبه یې وګټله.
لوبه په موهالي کې ترسره شوه.
افغان لوبډلې کې تر ټولو ډېر منډې محمد نبي وکړې، چې ۴۲ منډې وې او مجیب دوه ویکټې واخیستې.
د لوبې غوره لوبغاړی شیوام ډوبي وټاکل شو. شیوام د افغان لوبډلې پر وړاندې ۶۰ منډې وکړې او یوه ویکټه یې واخیسته.
افغان لوبډله به د هند لوبډلې پر وړاندې خپله دویمه شل اوریزه لوبه د راتلونکې یکشنبې په ورځ د کابل پر وخت د ماښام ۶:۰۰ بجې د انډور په هولکر کرکټ لوبغالي کې پیل کړي.
