په بلوچستان کې د بې عدالتۍ، لادرکه شویو او مرموزو وژنو پرضد احتجاجونه لاهم دوام لري
په تربت، پنجګور او د مکران په نورو ښارونو کې د سیاسي کارکوونکو او زدهکړیالانو د جبري لادرکه کولو او غیر عدالتي وژنو پرضد احتجاجونه دوام لري. د پنجګور احتجاجي جلسه د بلوچ يکجهتي کميټې لهخوا رابلل شوې وه.
په لاریونوالو کې ګن شمېر سياسي کارکوونکي، زدهکړیالان، ښځې او ماشومان هم شامل وو.
لاریونوال په جاويد شهيد چوک کې راغونډ شوي وو او بيا د ښار بېلابېلو واټونو ته ووتل او د حکومت پر ضد یې شعار ورکول.
د ورکو شویو بلوڅانو د کورنۍ غړو ويل، چې حکومت په خپله د اساسي قانون د بشري حقونو اړونده ماده تر پښو لاندې کوي.
ويناوالو وويل:« د حکومت لهخوا کارول شوي تاکتيکونه نه شي کولای د بلوڅانو غږ ټپ کړي، ځکه چې دوی نه يوازې د خپلو حقونو لپاره مبارزه کوي؛ بلکې غواړي چې د خپلو ورکو شويو عزيزانو ژوند هم خوندي کړي.»
