د چین د بار وړلو شرکت کاسکو اسراییل ته د توکو لیږدول درولي
د رویټرز خبري اژانس د راپور له مخې؛ اسراییلي رسنۍ وايي، چې د چین د بار وړلو شرکت کاسکو اسراییل ته د بار لیږدول درولي دي.
دغه راپور چې د چینايي بار وړونکی شرکت د یادې پرېکړې د لامل په اړه یې څه نه دي ویلی، داسې مهال خپور شوی، چې په یمن کې د حوثیانو د بریدونو له امله په سور سمندرګي کې د بېړیو چلښت له ستونزو سره مخامخ شوی دی.
په اسراییل کې د کاسکو دفترونو د دې رپوټ په اړه له تبصرې ډډه کړې.
د اسراییل ګمرکي چارواکو ویلي، چې د دغه رپوټ په اړه پلټنې کوي.
تر دې وړاندې د مرسک بېړۍ چلولو لوی شرکت هم د حوثیانو د بریدونو له امله د سور سمندرګي لار پرېښې وه.
دغه شرکت ویلي وو، چې یمن کې د حوثیانو د بریدونو له امله د افریقا شاوخوا خپل چلښت د سور سمندرګي پر ځای سویز کانال ته اړوي.
پر غزه د اسراییل د یرغل له پیلېدو راهیسې حوثیان له فلسطینیانو سره د یووالي ښودلو لپاره په سور سمندرګي کې له اسراییل سره تړلې بېړۍ په نښه کوي.
