د اسلام اباد یوې محکمې د منظور پښتین ضمانت ومانه
په اسلام اباد کې یوې محکمې د سه شنبې په ورځ د ترنول پولیسو په یوه مقدمه کې د پښتون ژغورنې غورځنګ مشر منظور پښتین د نیول کېدو وروسته ضمانت منظور کړ.
د اسلام اباد پولیسو د محکمې پرېکړې بشپړولو وروسته د پښتون ژغورنې غورځنګ مشر محکمې ته وړاندې کړ، چیرې چې محکمې د دلایلو اورېدو وروسته د منظور پښتین ضمانت منظور کړ.
منظور پښتبن د ډسمبر په څلورمه هغه مهال ونیول شو، چې په چمن پرلت کې تر وینا وروسته د بلوڅانو اعتراضي احتجاج ته د ګډون لپاره روان و.
پولیسو ادعا کړې، پښتین وروسته له هغه نیول شوی چې پلویانو یې په بلوچستان کې د افسرانو پر موټر ډزې وکړې؛ خو پي ټي اېم په قانون نافذونکو ځواکونو تور لګولی، چې د منظور پښتین پر موټر یې ډزې کړې وې.
منظور پښتین تر دې وړاندې هم څو ځلې په بېلابېلو قضیو کې د پولیسو لهخوا نیول شوی و.
