له ۱۹ کلنو د کم عمره لوبغاړو درې اړخیزې لوبلړۍ د دویمې لوبې پچه سوېلي افریقا وګټله
د سوېلي افریقا په کوربه توب له ۱۹ کلنو د کم عمره لوبډلو د درې اړخیزې لوبلړۍ د دویمې لوبې پچه کوربه هیواد سوېلي افریقا لوبډلې وګټله او افغان لوبډلې ته یې د توپ وهنې بلنه ورکړه. خو د افغان لوبډلې، لوبډلمشر د ټپي کېدو له امله له یادې لوبلړۍ څخه بهر شو.
د یادې لوبې د پیل په ورستیو شیبو کې د افغانستان له ۱۹ کلنو د کم عمره لوبډلې لوبډلمشر نصیر خان د عضلاتو د ټپ له امله له یادې درې اړخیزې لوبلړۍ څخه بهر شو.
د افغانستان کرېکټ بورډ وايي: «د افغانستان د ۱۹ کلنو د کم عمره کرېکټ ملي لوبډلې لوبډلمشر نصیر خان د همسټرینګ له امله د سوېلي افریقا په کوربه توب د ۱۹ کلنو لوبغاړو له درې اړخیزې لوبلړۍ څخه بهر شو. او په پر ځای یې نعمان شاه په یادو سیالیو کې لوبډلمشري پر غاړه لري.»
د افغانستان له ۱۹ کلنو د کم عمره ملي لوبډلې په ننۍ سیالۍ کې د نعمان شاه په لوبدلمشرۍ وفي الله، حسن عیسی خیل، جمشید ځدراڼ، سهیل خان زرمتی، رحمان الله زرمتی، الله محمد، عرب ګل مومند، بشیر احمد، فریدون داودزی او زاهد افغان لوبیږي.
دغه سیالۍ د سوېلي افریقا په کوربه توب د دغه هیواد په جوهانزبرګ اولډ ایډوارډینز لوبغالي کې تر سره کیږي.
