د ملګرو ملتونو عالي کمېشنرۍ: په افغانستان کې مو له ۵۰۰ کوچنیو شرکتونو سره مرسته کړې
په افغانستان کې د ملګرو ملتونو عالي کمېشنرۍ په اېکس پاڼه لیکلي، چې په دغه هېواد کې یې تر ۵۰۰ کوچنیو او منځنیو شرکتونو سره مرسته کړې ده. د دوی په وینا، د دغو شرکتونو ډېری یې د ښځو لهخوا اداره کېږي.
دغې کمېشنرۍ لیکلي، چې دغه کوچني پورونه د دوی په پیاوړتیا او بشري مرستو ته د دوی د اتکا په کموالي کې همکاري کوي.
د دغو پورونو له لارې ډېری ښځې توانېدلي، چې ځانته یو کوچنی کاروبار برابر کړي.
په دې کې ډېرو مېرمنو په دغو پورونو د خیاطۍ لپاره ځینې توکي پېرلي او اوسمهال هره یوه یې ځانته جلا، جلا وړې کارخونې لري.
دوی په خپلو کارخونو کې ګنډل کوي او بیا هغه توکي د ښار په هټۍوالو پلوري، چې د دوی په وینا هم ښه کاري فرصت ورته برابر شوی او هم دوی د ژوندانه د لګښتونه تر یوه بریده پوره کولای شي.
