له بندیز سره د مخ لوبغارو په ګډون د اماراتو پر وړاندې شل اوریزو لوبو ته لوبډله اعلان شوه

د افغانستان کرېکټ بورډ د پنجشنبې په شپه ( د ډسمبر ۲۸مه) د متحده عربي اماراتو پر وړاندې د درېیو شل اوریزو نړۍوالو سیالیو لپاره افغان ملي لوبډله اعلان کړه. په دې لوبډلې کې دوه لوبغاړي نوین الحق او فضل فاروقي هم دي، چې له دې وړاندې پرې بندیزونه لګېدلي وو.

په دغه نوملړ د ابراهیم ځدراڼ په لوبډلمشرۍ رحمان الله ګربز (ویکټ ساتونکی)، محمد اسحاق (ویکټ ساتونکی)، حضرت الله ځاځی، صدیق الله اتل، رحمت شاه، دروېش رسولي، محمد نبي، نجیب الله ځدراڼ، کریم جنت، عظمت اله عمرزی، شرف الدین اشرف، فضل حق فاروقي، فرید احمد ملک، نوین الحق، محمد سلیم، نور احمد او قیس احمد ته ځای ورکړل شوی.

همداراز راشدخان، اکرام علي خېل، ګلبدین نایب او اعجاز احمدزی د احتیاطي لوبغاړو په توګه ټاکل شوي دي.

د متحده عربي اماراتو پر وړاندې درې شل اوریزې نړۍوالې لوبې د روانې ډسمبر په ۲۹مه او ۳۱مه او وروستۍ لوبه به د ۲۰۲۴م کال د جنوري په دویمه نېټه ترسره شي.