بلوڅ فعالان وايي، د پاکستان امنیتي ځواکونو اسلام اباد کې د دوی پر لاریون برید کړی
بلوڅ فعالان وايي، د بلوڅ توکم وژنې ضد لاریون په اسلام اباد کې د پولیسو له تاوتریخوالي سره مخ شوی او ډېر لاریونوال یې ټپي او نیول شوي دي. د دوی په خبره، اسلام اباد ته د لاریون رسېدو سره پولیسو پر دوی اوښلن ګاز کارولی او هم یې له دوی سره د نورو خلکو د یو ځاېدو د مخنیوي هڅه کړې.
د پاکستان امینتي ځواکونو د چارشنبې په ورځ اسلام اباد ته پر لار هم د دغه لاریون د مخینوي هڅه کوله، خو بیا هم د بلوڅانو دا اعتراض تر پلازمېنې ورسېد.
د زرګونو بلوڅانو دا لاریون د بلوچستان له تربته پیل شوی او په ډېره غازي خان کې تر پرلت وروسته یې د چارشنبې په ورځ اسلام اباد ته مخه وکړه.
که څه هم په لار کې د دغه لاریون لپاره د سیمې خلک هرکلي ته ولاړ و، خو امینتي ځواکونو یې د وړاندې تګ مخه نیوله.
اسلا اباد ته تر رسېدو وروسته د پاکستان پولیسو دې لاریون اول د خلکو د ګډون خنډ شول او وروسته یې د دې پرلت د ګډونوالو نیول پیل کړل.
خواله رسنیو کې ویډیووې هم ښيي چې پولیس لاریونوال وهي او ځینې په ټپي حالت کې د نورو ملګرو په غېږو کې پراته دي.
یوې فعالې ماه رنګ بلوڅ د ورته ویډیوو له نشرولو سره لیکلي چې د دې او ځینې نورو بلوڅ پېغلو په ګډون د لاریون نور ځوانان هم نیول شوي دي.
د بلوڅانو پرلت په تېره نومبر میاشت کې د پاکستان بلوچستان ایالت په تربت کې وروسته له هغه پیل شو چې د دغې سیمې خلکو د صوبې د ترهګرۍ ضد څانګې «سي ټي ډي» په چارواکو تور ولګاوه، چې د ۲۴ کلن بلاڅ بلوڅ تر وژنې وروسته یې په هغه د پنځه کیلوګرامه چاودېدونکو توکو د درلودلو تور لګولی دی.
د پاکستان بلوچستان ایالت اوسېدونکي له کلونو راهیسې ادعا کوي چې د پاکستان حکومت یې د حق غوښتلو پر مهال مخکښ کسان نیسي او له هغه وروسته يې مړي ژوندي ورک دي.
د پاکستان حکومت بیا دا تورونه رد کړي دي.
