په پاکستان کې د انفلاسیون کچه ۴۳ سلنې ته رسېدلې او د توکو په بیو کې خورا لوړوالی راغلی
د پاکستاني رسنیو د رپوټونو له مخې؛ د دغه هېواد د اونیز انفلاسیون کچې د وروستي راپور له مخې د انفلاسیون کچه ۴۳،۱۶ سلنې ته لوړه شوې او د خوراکي توکو بیې ورځ تر بلې پورته کیږي.
د انفلاسیون یا د پیسو د بې ارزښته کېدو، اصلي لامل په بې سارې توګه د خوراکي توکو او په ځانګړې توګه د بورې، دالو، هګۍ او وريجو د بیو لوړېدل په ګوته شوي دي.
د کارپوهانو په وینا؛ پاکستان د انفلاسیون له سخت فشار سره مخامخ دی.
د پاکستاني نیوز رسنۍ د راپور له مخې؛ د دې اونۍ په پیل کې د پاکستان دولتي بانک د سود نرخ کې کوم زیاتوالی نه دی راوستی او لا هم په تر ټولو لوړه کچه ۲۲ سلنه کې دی.
د ګازو د نرخونو د لوړېدو له امله د پاکستان دولتي بانک هیله درلوده، چې دا به په انفلاسیون باندی مثب اغیز وکړي، چې داسې لا نه دي شوي.
په وروستیو دوو کلونو کې د انفلاسیون د ډېرېدو له امله د پاکستان دولتي بانک د سود نرخ ۱۵ فیصده لوړ کړی و.
