د نولس کلنو په اسیا جام کرېکټ سیالیو کې افغان لوبډلې د پاکستان له لوبډلې ماته وخوړه
د نولس کلنو د اسیا جام کرېکټ په روانو سیالیو کې پاکستان افغان لوبډلې ته ماتې ورکړه او په دې سره د نولس کلنو اسیا جام سیالیو کې د افغانستان سفر پای ته ورسید.
د متحده عربي اماراتو په کوربتوب په دې لوبه کې لومړی پاکستان توپ وهنه وکړه او په ۵۰ اورونو کې یې ۳۰۳ منډې جوړې کړې.
د لوبې په دویمه نیمايي کې افغانستان دغه هدف پوره نه کړ او لوبه یې د ۸۳ منډو په توپیر د پاکستان پر وړاندې وبایلله.
دا په دغو سیالیو کې د افغانستان درېیمه لوبه ده، چې دوه یې بایللي او یوه یې ګټلې ده.
