له ۳۰۰ ډېر افغان کډوال له پاکستانه کاناډا ته ولېږل شول
د کاناډا کډوالۍ اداره واييو له پاکستان یې ۳۳۳ افغان کډوال دغه هېواد ته لېږدولي دي. ټاکلې ده چې دا کډوال د اېډمونټن، اوتاوا او ټورنټو په ګډون په ۳۳ ښارونو کې مېشت کړل شي.
د کاناډا کډوالۍ ادارې پرون په خپل اېکس کې لیکلي، چې دا کډوال اوس په وینیپګ ښار کې دي.
کاناډا وايي، پر افغانستان د طالبانو له واکمنېدو راهیسې یې تر ۴۰ زرو افغانان خپل هېواد ته لېږدولي دي.
