ازادۍ جبهه: په کابل کې مو دوه طالبان وژلي او دوه نور ټپیان دي

د افغانستان د ازادۍ جبهه وايي؛ په کابل کې یې په یوه برید کې دوه طالب جنګیالي وژلي دي. دغې جبهې پر اېکس پاڼې لیکلي، چې نن دوشنبه یې د پلازمنې کابل په نهمه حوزه کې یې د طالبانو د تالاشۍ پر یوې پوسته برید کړی او دوه طالب وسلوال یې وژلي دي.

دغه برید چې د ماښام د پنځو بجو وروسته د کابل د هوايي ډګر په سړک شوی، دوه طالبانو پکې ژوبل شوي هم دي.‌ په همدې مهال د کابل ښار ځینو اوسیدونکو په ښار کې د یوې چاودنې د اورېدو رپوټونه ورکړي؛ خو د چاودنې د څرنګوالي په اړه لا معلومات نه دي ترلاسه شوي.

طالبانو لا د دغه برید په اړه څه نه دي ویلي.