د پنجاب د لاهور په ګډون په لسو ولسوالیو کې د ککړې هوا له امله ورځنۍ چارې محدودې شوې

د پاکستان په پنجاب صوبه کې د ککړې هوا له امله د مرکز لاهور په ګډون په لسو ضلعو کې د ګاډو چلښت او د ځینو ادارو چارې محدودې شوې. لاهور چې صنعتي ښار دی ټولې ښوونیزې ادارې پکې بندې دي، خو بازار، سینما او دفترونه د مازیګر له دریو بجو و روسته پرانیستل کېږي.

پر لاهور سربېره په ننکانه صاحب، شیخپوره، قصور، ګوجرانواله، ګجرات، سیالکوټ، نارووال، حافظ اباد او منډي بهاوالدین کې هم د ګاډو چلښت محدود شوی دی.

د پاکستان د پنجاب صوبې سرپرست سروزیر محسن نقوي وايي، پر ککړه هوا د کنټرول لپاره هر ډول هڅې کوي.

هغه زیاته کړه چې لاهور کې دوولسو سیمو کې پر لړه د کنټرول لپاره فلترونه لګوي او همدارنګه د کارپوهانو په همکارۍ د مصنوعي باران جوړولو هڅه کوي