د هوا ککړتیا؛ لاهور یو ځلې بیا د نړۍ تر ټولو ککړ ښار وپېژندل شو

نن لاهور یو ځلې بیا د نړۍ د ککړو ښارونو په نوملړ کې لومړی مقام خپل کړ او په دغه ښار کې د هوا ککړتیا لاهم دوام لري. تمه کېږي، چې د هوا ککړتیا له زیاتېدو وروسته به دغه وضعیت سره د مبارزې له پاره سخت ګامونه واخیستل شي.

په دغه ښار کې د ګرځبندیز د اعلانېدو شونتیا هم شته.

تمه کېږي، چې په دغه ښار کې به په اونۍ کې دوه ورځې د بازارونو بندول، د یوې یا دوه ورځو لپاره له کوره کار کول، انلاین بڼې ته د ښوونځیو درسونو اړول او د عامه ټرانسپورټ کمولو برخه کې به بندیزونه ولګول شي.

د پنجاب لنډمهاله حکومت ښایي، چې نن په دې برخه کې خپله پرېکړه اعلان کړي.

تېره اوونۍ هم په دغه ښار کې د څلورو ورځو لپاره ګرځبندیز اعلان شوی و.