د کرېکټ نړۍوال جام؛ اسټرالیا د درېیو ویکټو په توپیر افغانستان ته ماتې ورکړه
د کرېکټ د نړۍوال پنځوس اوریز جام په ترڅ کې افغانستان له خپلې سیالې لوبډلې اسټرالیا سره مخامخ شو، چې اسټرالیا د افغانستان له خوا ورکړل شوی ۲۹۲ هدف د اوو لوبغاړو په سوځېدو سره په ۴۷ اورونو کې پوره کړ.
د اسټرالیا له خوا ګلین مکسویل په ۱۲۸ بالونو ۲۰۱ منډې وکړې او ناسوځېدلی پاتې شو، نوموړی د لوبې غوره لوبغاړی وبلل شو، چې ۲۱ څلوریزې او ۱۰ شپږیزې یې وهلې وې.
افغانستان به د راتلونکې جمعې په ورځ له سویلي افریقا سره سیالي کوي او دا مهال په شپږم مقام کې ځای لري.
