پاکستانۍ مشهورې اداکارې ماهره خان له دغه هېواده د افغان کډوالو د اېستلو په اړه د پاکستان له پرېکړې سره مخالفت کړی دی.
هغې په خپلې انسټاکرام پاڼه ليکلي:« افغانان اوس هم زموږ ښېګڼې ته اړتيا لري.»
هغه وایي :« هیڅوک هم په خپله خوښه خپل هېواد نه پرېږدي.»
نوموړې وایي، د پاکستان د کوربهتوب په هغه دود او فرهنګ ویاړي کوم چې د هغو خلکو سره يې کړي
څوک چې د خونديتوب، احترام او عزت په لټه کې وو.
ماهره خان د ملګرو ملتونو په عالي کمېشنرۍ کې د یوې برخې سفیره هم ده.
هغې زیاته کړې:« پاکستان په تېرو څلوېښتو کلونو کې د افغانانو کوربهتوب کړی دی. دا خلک اوس هم مهربانۍ او غمشريکۍ ته اړتيا لري.»
هغې پر پاکستان غږ کړی، چې د اړتیا پرمهال د افغانانو ملاتړ ته دوام ورکړي.