د پاکستان د ښځو کرېکټ ملي لوبډلې د شنبې په ورځ په بنګله دېش کې کوربه لوبډلې ته په یو ورځنیو نړیوالو لوبو کې ماتې ور کړه.
د پچې ګټلو سره د بنګله دېش ښځو لوبډلې توپ وهل پیل کړل، خو په ۳۱.۵ اور کې یې په ۸۱ منډو ټولې لوبغاړې وسوځېدې.
په ځواب کې د پاکستان لوبډلې په ۲۴.۵ اور کې دا هدف پوره او لوبه یې وګټله.
دا د پاکستان او کوربه هېواد د دریو لوبو لومړنۍ سیالي وه او پاکستان وګټله.
د پاکستان د ښځو کرېکټ ملي لوبډله د اکټوبر پر ۲۰ په څو لوبلړیو کې د ګډون لپاره بنګله دېش ته لاړه.
دا لوبډله د بنګله دېش له ملي لوبډلې سره د نومبر تر لسمې درې شل اوره او درې پنځوس اوره لوبلړۍ لري.