هند په کرېکټ نړۍوال جام کې سریلانکا ته ۳۵۸ منډې هدف وټاکه

د کرېکټ نړۍوال جام ۳۳ سیالۍ کې نن د کوربه هند د سریلانکا ملي لوبډلې ته د ګټلو لپاره ۳۸۵ منډې هدف وټاکه. د سریلانکا لوبډلې کپتان کوشل منډیسن د پچې ګټلو سره توپ اچولو ته مخه کړه. د هند لوبډلې د اتو ویکټو په زیان او د ۵۰ اورونو لوبولو سره ۳۵۷ منډې جوړې کړې.

د هند لوبغاړو کې شبمن ګل ۹۲، ویرات کولي، ۸۸ او شریاس ایر ۸۲ منډو کولو سره ښه وځلېدل؛ خو کپتان یې روهیت شرما په څلورو منډو سره وسوځېد.

دا لوبه د ممبيي ښار په وانکیدا لوبغالي کې روانه ده.

سریلانکا په اوسني نړۍوال جام کې شپږ سیالۍ کړې؛ خو یوازې دوه یې ګټلې دي.

هند پنځه سیالۍ کړې او ټولې یې ګټلې دي.