د کرېکټ پنځوس اوریز جام سیالیو کې افغانستان سرېلنکا ته ماتې ورکړه
د کرېکټ نړۍوال پنځوس اوریز جام کې نن افغانستان له سریلنکا سره مخامخ شوی و، په پیل کې پچه افغان لوبډلې وګټله او مخالفې لوبډلې ته یې د توپ وهنې بلنه ورکړه. دا د افغانستان د کرېکټ په تاریخ کې لومړی ځل دی، چې درې نړۍوالې لوبې ګټي.
د سرېلنکا ټوله لوبډله د ۴۹،۳ اورونو په جریان کې د ۲۴۲ منډو په هدف ورکولو سره وسوځېده.
افغانستان په ۴۵،۲ اورونو کې د درېیو ویکټو په سوځېدو دغه لوبه په خپلې بریا پای ته ورسوله.
افغان توپ اچوونکو فضل الحق فاروقي څلور لوبغاړي، مجیب الرحمان دوه، راشد خان او عظمت الله یوه – یوه ویکټ واخیسته.
د توپ وهنې په برخه کې عظمت عمرزي ۷۳، لوبډلمشر حشمت الله شهیدي ۵۸ او رحمت شاه ۶۲ منډې وکړې، له دې سره افغانستان د کرېکټ په نړۍوال جام کې خپله درېیمه لوبه هم وګټله
له دې وړاندې افغانستان له انګلنډ او پاکستان څخه لوبې ګټلي دي.
