هند ښايي د یخولو نړیوالې ادارې سره یو ځای نه شي

د هند دوه چارواکي وايي، داسې برېښي چې دغه هېواد له هغه نړیوال تړون سره یو ځای نه شي چې د یخولو اړوند د ګلتوني ګازونو د خپرېدو د کمولو لپاره لاسلیکېږي. دوی وايي، هند د نړۍ د تر ټولو ډېر وګړي هېواد په توګه کملګښته یخوونکو وسیلو ته اړتیا لري.

د ۲۰۲۲ کال پرتله تر ۲۰۵۰ کال تر ۶۸ سلنې د یخولو اړوند کاربن ډای اکسایډ د کمولو ژمنه د متحده عربي اماراتو په کوربتوب د ملګرو ملتونو د چاپېریال د یخوالي ډلې له خوا رامنځ ته شوې ده.

دا تړون له لاسیکوونکو هېوادونو د پایښتي یخوونکې ټیکنالوجۍ ته د بدلېدو لپاره لویه پانګونه او پر دې محصولاتو ډېر لګښت غواړي.

تمه ده چې هېوادونه د یخولو اړوند خپلې ژمنې د نومبر له ۳۰ د ډیسمبر تر ۱۲ د دوبۍ په کلنۍ غونډه کې اعلان کړي.

هند او چین له ۲.۸ میلیارده ډېرو وګړو لرلرو او د دوو مهمو اقتصادونو او کرابن تولیدوونکو په توګه د یخولو ژمنې د بریالیتوب لپاره مهم بلل کېږي.