انګلنډ په کرېکټ نړیوال جام کې سریلانکا ته ۱۵۷ منډې هدف وټاکه

د کرېکټ نړیوال جام په ۲۵ سیالۍ کې نن انګلنډ د سریلانکا په مقابل کې د ۱۵۶ منډو په جوړولو سره له ډګر ووت. انګلنډ لوبډلې د پچې ګټلو سره د توپ وهلو پرېکړه وکړه، خو ټول لوبغاړي یې په ۳۳.۲ اور کې د ۱۵۶ منډو جوړولو سره وسوځېدل.

دا لوبه د دې جام د کوربه هند په بنګلور کې روانه ده.

د کرېکټ نړیوال جام د اکټوبر پر پنځمه په هند کې پیل شوی او د نومبر تر ۱۹ به روان وي.

په دې جام کې د افغانستان، اسټرالیا، بنګله دېش، انګلنډ، هند، هالنډ، نيوزیلنډ، پاکستان، سوېلي افریقا او سریلانکا ملي لوبډلې ګډون لري.