په کرېکټ نړۍوال جام کې د نیو زیلنډ لوبډلې هند ته د ۲۷۴ منډو هدف وټاکه

د کرېکټ د نړۍوال پنځوس اوریز جام په ۲۱مه سیالۍ کې د نیو زیلنډ لوبډلې د یکشنبې په ورځ د هند کرېکټ لوبډلې ته د۲۷۴ منډو هدف وټاکه. دا لوبه د هماچل پردېش په درمشاله لوبغالي کې روانه ده.

د کوربه هند کرېکټ لوبډلې د پچې ګټلو سره سیالې لوبډلې ته د توپ وهنې بلنه ورکړه.

د نیو زیلنډ لوبډلې هم د ټولو اورونو په لوبولو او د ټولو لوبغاړو په سوځېدو سره ۲۷۳ منډې جوړې کړې.

د نیو زیلنډ لوبغاړو کې ډیرل مچل ۱۳۰ منډې جوړې کړې.

د نیوزیلنډ او هند لوبډلې د روان نړۍوال جام مخکښې لوبډلې دي او تر اوسه یې کومه لوبه بایللې نه ده.