د پاکستان یوې محکمې د پخواني لومړي وزیر نواز شریف تر راستنېدو مخکې د هغه ضمانت ومانه

د پاکستان یوې محکمې د پنجشنبې په ورځ د دغه هېواد پخواني لومړي وزیر او د فساد په تور محکوم نواز شریف ضمانت ومانه. نوموړی له څلور کلنې جلاوطنۍ وروسته تمه لري، چې د ۲۰۲۴ کال د جنورۍ په میاشت کې د ټاکنو له لارې د خپل «پاکستان مسلم لیګ نواز» ګوند مشري وکړي.

د نواز شریف وکیل امجد پرویز وویل:« د اسلام اباد سترې محکمې نواز شریف ته د اکټوبر تر ۲۴مې پورې حفاظتي ضمانت ورکړی دی.»

د محکمې پرېکړه هغه ته اجازه ورکوي، چې د شنبې په ورځ له راستنېدو وروسته لاهور کې خپل کور ته ورشي.

دا په داسې حال کې ده، چې د نوازشریف اصلي مخالف عمران خان په زندان کې دی.