زرګونه ارمنیان د ناګورنو قرهباغ له سیمې د تېښتې په حال کې دي
تېره اونۍ د ناګورنو قرهباغ پر لانجمنې سیمې د اذربایجان له ولکې وروسته، له دغې غرنۍ سیمې د ګڼ شمېر ارمنیانو د تېښتې لړۍ په چټکۍ روانه ده.
د راپورونو له مخې، له دې سیمې چې شاوخوا ۱۲۹ زره اوسېدونکي یې ارمنیان دي څه باندې ۶۵۰۰ کسان یې ارمنستان ته تللي دي.
ویل شوي، چې هغوی د اذربایجان دولت د ۲۰۲۰ کال د جګړې بې کوره شویو کسانو د ځای پر ځای کولو له اعلان وروسته خپل کورونه پرېښي دي.
د ارمنستان لومړي وزیر نیکول پاشینیان د ناګورنو قرهباغ په سیمه کې د قومي تصفیې یا چاڼولو خبرداری ورکړی.
ښاغلي پاشینیان خبریالانو ته ویلي:« دغه قومي چاڼ دوام لري او دغه حقیقت د اندېښنې وړ دی. موږ هڅه وکړه، چې نړۍواله ټولنه ترې خبره کړو .»
اذربایجان ویلي، چې غواړي ارمني لږکي بېرته د «مساوي اتباعو» په نامه په سیمه کې یوځای کړي.
تمه کېږي، چې د ارمنستان او اذربایجان استازي به نن سه شنبه په بروکسل کې وګوري.
دا به د اذربایجان لهخوا د ناګورنو قرع باغ سیمې د نیولو وروسته د دواړو لوریو لومړني مذاکرات وي.
ناګورنوقرهباغ د ارمني اوسېدونکو سیمه ده، چې نړۍواله ټولنه یې د اذربایحان برخه ګڼي.
له دغې غرهیزې سیمې د ارمني وګړو وتل له یکشنبې پیل شوي.
