بریتانیا سږ کال د خپل تاریخ اتم تر ټولو ګرم دوبی تېر کړ
د بریتانیا د هوا پوهنې ملي اداره وايي، دغه هېواد له ۱۸۸۴ کال راهیسې د خپل تاریخ اتم تر ټولو ګرم دوبی تېر کړ. دا اداره زیاتوي، سږنی دوبی په بریتانیا کې د تودوخې منځنۍ درجه ۱۵.۴ سانتي ګراد او تر خپلې اندازې شاوخوا ۰.۸ سانتي ګراد ډېره ګرمه وه.
دا اداره سږنی دوبی تر اوسط کچې ډېر مرطوب یا لوند هم بولي او زیاتوي چې په ریکارډ شویو لسو ډېرو ګرمو اوړيو کې تر ټولو لوند یا مرطوب و.
د رسمي ارقامو له مخې په بریتانیا کې سږنی حون د سږني دوبي تر ټولو ګرمه میاشت وه، خو جولای بیا د دغه هېواد شپږمه ترټولو لنده میاشت وه.
د اقلیمي بدلون له امله پر بریتانیا سربېره په نږدې ټوله اروپا کې سږنی دوبی خورا ګرم بلل شوی دی.
د یوې څېړنې له مخې، تېر کال په ټوله اروپا کې له ۶۰ زرو د ډېرو کسانو مړینه له ګرمي سره تړلې بلل شوې ده.
کارپوهان وايي، که تودوخه همداسې بره ځي، نو ور سره تړلې مړینه به هم زیاتېږي.
