ایران: له افغانستان سره صفري نقطه کې ۵۰ سلنه پانګونه مشترکه ده

د ایران د سوېلي خراسان د ځانګړې اقتصادي سیمې د ادارې مشره وايي، د دغه هېواد او افغانستان په ګډه صفري نقطه کې ۵۰ سلنه پانګونه د دواړو ترمنځ ګډه یا مشترکه ده. د فرینا حسین زارغي په خبره، دې ځانګړې اقتصادي سیمې ته د بهرنیانو تګ هم ازاد دی.

میرمن زارعي د شنبې په ورځ- د وږي ۱۱- د سوېلي او شمالي خراسان ولایتونو له حکومتي او خصوصي ادارو مسوولانو سره په ګډه غونډه کې دا خبرې وکړې.

له بلې خوا په افغانستان د ایران تجارتي اتشه وايي، افغانستان یوازنی هېواد دی چې خپل ۹۰ سلنه وارداتي ضرورتونه له ګاونډیانو په تېره له ایران پوره کوي.

د ایران د صداو سیما د راپور له مخې، حسین روستايي دا د ایران هغو دریو ولایتونو ته د خپلو صادراتو د زیاتولو ښه چانس وباله چې له افغانستان سره پر پروله پراته دي.

حسین روستايي په امنیت، روڼتیا او د تعرفو د بیې په ثابت ساتلو کې د طالبانو هڅې ستايي.

ښاغلی روستايي وايي، افغانستان تېر لمریز کال یو میلیارد او اوه سوه میلیونه ډالر صادرات افغانستان ته درلودل او سږ کال دا صادرات دوه سلنه زیات شوي دي.

ایراني چارواکي د طالبانو له خولې وايي دغه هېواد د افغانستان وارداتو کې د ۲۷ سلنه ونډې لرلرو سره د دغه هېواد لومړنی سوداګریز شریک دی.