په ننګرهار ولایت کې د «جنسي اړیکو» په تور یو هلک او نجلۍ وژل شوي
د ننګرهار ولایت په نازیانو ولسوالۍ کې یوه نجلۍ او هلک د «جنسي اړیکو» د درلودو په تور وژل شوي دي. د ننګرهار لپاره د طالبانو امنیه قومندانۍ هم د یوې خبرپاڼې په خپرولو سره ویلي، د نجلۍ د تره دغه دوه کسان له یوبل سره د «جنسي اړیکو» د درلودو په تور ویشتلي دي.
د خبرپاڼې له مخې، دغه پېښه پرون شوې او تورن کس له سیمې تښتېدلی او طالبانو یې د نیولو هڅې هم پیل کړې دي.
پر افغانستان د طالبانو له واکمنېدو وروسته هدفي او ناموسي وژنې زیاتې شوې دي.
د دغه هلک او نجلۍ کورنۍ سره مو په دې اړه د خبرو هڅې وکړې، خو بریالي نه شو چې د هغوی نظر راواخلو.
