د جي ۲۰ سرمشریزې په غزه او لبنان کې د اوربند غوښتنه وکړه
د جي ۲۰ هېوادونو مشرانو په برازیل کې له دغې سرمشریزې وروسته په یوه ګډه اعلامیه کې په غزه او لبنان کې د اوربند غوښتنه وکړه.
دوی د غزې په تړانګه کې د ویجاړونکي بشري وضعیت په اړه ژوره اندېښنه څرګنده کړه او همدارنګه په لبنان کې د بریدونو د زیاتوالي او په فلسطین کې د مرستو د بهیر د پراخولو په بېړنۍ اړتیا یې ټینګار وکړ.
له بل پلوه د رویټرز د راپور له مخې بنیامین نتنیاهو ویلي، چې د لبنان د اوربند سره، سره اسراییل به د حزب الله پر ضد عملیاتو ته دوام ورکړي.
د اسراییل لومړي وزیر بنیامین نتنیاهو د دوشنبې په ورځ ویلي، چې اسراییل به د ایران په ملاتړ د لبنان د وسلهوال غورځنګ حزب الله پرضد پوځي عملیاتو ته دوام ورکړي ان که په لبنان کې اوربند هم وشي.
نوموړي دغه څرګندونې د اسراییل پارلمان ته کړې دي.
