الجزیره: اسراییلي ځواکونو د غزې په تړانګه کې ۵۱ فلسطینیان په بمباریو کې وژلي دي
د راپورونو له مخې، د اسراییلي ځواکونو له لوري د غزې پر تړانګه د بمباریو په دوام د شنبې په ورځ دغو ځواکونو د بیت فورک پر کلي بمبار کې لږ تر لږه ۵۱ فلسطینیان وژلي دي.
الجزیري ټلویزیون په خپل راپور کې ویلي، چې اسراییل د بیت فورک کلي په بمبار کې لګسونه کورونه ویجاړ کړي دي.
په راپور کې ویل شوي، چې همدارنګه دوه نور لبنانانیان چې مرسته رسونکي وو، هم نبیطه ښار په لویدیځ کې د اسراییل د بې پیلوټه الوتکې په برید کې وژل شوي.
راپور زیاتوي، چې حزبالله هم د دغه هېواد په شمال کې د اسراییل پر پوځي اډو لسګونه توغندي توغولي او د بې پیلوټه الوتکو پر مټ بریدونه کړي، چې په پایله کې یې د حیفا په بندري ښار کې یې لږ تر لږه پنځه اسراییلیان ټپیان کړي.
د راپورونو له مخې، اسراییل په یوه اونۍ کې ۵۰ ځله د بیروت په داحیه باندې بمباري کړې ده.
د اسراییل پوځ په یوه بیان کې ویلي، چې ځواکونو یې د شنبې په ماښام د بیروت په داحیه کې د بریدونو څلورمه څپه ترسره کړه، او په دې سره یوازې په تېره اونۍ کې ۵۰ ځلې هدفي بریدونه ترسره کړي دي.
دا په داسې حال کې ده، چې پر غزه د اسراییل د بریدونو په پایله کې د ۲۰۲۳ کال د اکټوبر له ۷ راهیسې لږ تر لږه ۴۳۷۹۹ فلسطینیان وژل شوي او ۱۰۳،۶۰۱یې ټپیان شوي دي.
همدارنګه د حماس په مشرۍ د بریدونو په ترڅ کې په اسراییل کې د اټکل له مخې ۱۱۳۹ کسان وژل شوي او تر ۲۰۰ ډير یرغمل شوي دي.
همدارنګه په لبنان کې د غزې د جګړې له پیل راهیسې د اسراییل په بریدونو کې لږ تر لږه ۳۴۵۲ کسان وژل شوي او ۱۴۵۹۹ نور ټپیان شوي دي.
