د «ون ډایرېکشن» نوم وتی سندرغاړی لیام پېن د یوه هوټل له درېیم پوړ څخه له لوېدلو وروسته ومړ
د «پاپ بانډ ون ډایریکشن» مشهور سندرغاړی ۳۱کلن لیام پین ومړ. د رویټرز خبري اژانس د خبر له مخې، لیام پېن د ارجنټاین په پلازمېنه کې د یوه هوټل له درېیم پوړ څخه لوېدلی دی.
د ارجنټاین رسنیو په وینا، لیام پېن بیونس ایرس ته ورغلی و چې د خپل پخواني «ون ډایرکشن ډلې» له ملګري نیل هوران په کنسرټ کې برخه واخلي.
نوموړي ته یوې نږدې سرچینې رویټرز خبري اژانس ته څرګنده کړه، چې لیام په تېرو وروستیو ورځو کې له یو لړ ستونزو سره مخامخ و.
دغې پېښې د لیام پېن مینهوال هک پک کړي دي.
له بل پلوه پولیس وایي، چې د نوموړي د مړینې په اړه یې څېړنې او پلټنې روانې دي.
