له تخار ولایته سرچینو په تالقان ښار کې د یوې چاودنې خبر ورکړی

له تخار ولایته سرچینو په تالقان ښار کې د یوې چاودنې خبر ورکړ. دغه چاودنه نن غرمه مهال (د تلې ۱۴مه) د «سید عبدالودود شهید» ښوونځي ته څېرمه شوې ده.

لاتراوسه طالبانو په دې تړاو څه نه دي ویلي.
د سیمه‌ییزو سرچینو په وینا، د دغې چاودنې موخه یو ګلپوښ موټر و، چې د طالبانو د یوه قوماندان د واده لپاره ګلپوښ شوی و.
د ورکړل شویو مالوماتو له مخې، په دغې چاودنه کې درې ماشومان ټپیان شوي چې د درملنې لپاره د تخار ولایت مرکزي روغتون ته لېږدول شوي دي.
لا تر اوسه طالبانو د خپلې ډلې د غړو د مرګ ژوبلې په اړه څه نه دي ویلي.

د دغې پېښې په تړاو د طالبانو څېړنې روانې دي.