ډبلیو اېف پي: ځینې افغان کلینیکونو کې د خوارځواکو میندو او ماشومانو شمېر دوه برابره شوی
د خوړو نړیوال سازمان وايي، په افغانستان کې د مرستو کمېدو سره د دغه هېواد په ځینې کلینیکونو کې د خوارځواکو میندو او ماشومانو شمېر دوه برابره او یا تر دې هم زیات شوی.
د دې ادارې په خبره، د خوراکي مرستو کمېدل خوارځواکۍ ته لمن وهي او تر ډېره یې تاوان هم میندو او ماشومانو ته رسېږي.
د خوړو نړیوال پروګرام د افغانستان برخې خپل اېکس کې د دې خبر خپرولو سره پرون د نګینې په نوم د یوې افغانې نظر هم خپور کړی دی.
نوموړې وايي، که کار روزګان هم نه و، ورځ چلېده، خو د مرستو کمېدو سره یې ستونزې ډېرې شوې.
نوموړې وايي، درې میاشتو مخکې له خپل ماشوم سره دغه کلېنیک ته راغله، نتیجه یې چې مالومه شوه، نو خوارځواکې وه او د خوړو کارته ور کړل شو.
دغه اداره وايي، چې په څلورو کې درې افغان کورنۍ مناسب او اړین خواړه نه لري او له امله یې میندې او ماشومان خوارځواکي کېږي.
د خوړو نړیوال پروګرام تېره اونۍ هم ویلي و، چې دا مهال په افغانستان کې څلور میلیونه ماشومان او امیندواره میندې له خوارځواکۍ سره مخ دي.
د دې ادارې په خبره، ه افغانستان کې لږ تر لږه ۱۲ میلیونه وګړي نه پوهېږي، چې دوی د راتلونکي وخت خواړه له کومه کړي.
