د ۴.۵ درجې زلزلې ټکانونو د نورستان ځینې سیمې ولړزولې

د دوشنبې په سهار شپږو بجو د (وږي ۱۲مه) یوې څه نا څه زورورې زلزلې د نورستان ولایت ځینې برخې ولړزولې.

د امریکا د ځمکپېژندنې ادارې د راپور له مخې، د دغې زلزلې کچه ۴.۵ درجې ښودل شوې او د نورستان د پارون د شمال لویدېځې سیمې په ۸۰ کیلومترۍ کې شوې؛ خو تر اوسه یې د اوښتو زیانونو په اړه کره مالومات نه دی تر لاسه شوي.
د امریکا د ځمکپېژندنې مالومات ښيي، چې دغه زلزله ۱۳۲ کیلو مترو په ژور والي د ځمکې لاندې شوې ده.
په دې وروستیو کې د افغانستان په یو شمېر سیمو په تېره بیا په بدخشان ولایت کې د زلزلو ټکانونه محسوس شوي دي.
وروستۍ زلزله د شنبې په ورځ د (وږي ۱۰مه) د بدخشان ولایت د اشکاشم ولسوالۍ په ۴۰ کیلو مټرۍ کې شوې وه.